კლუბის აქტივობები
ახალთერჯოლის საჯარო სკოლის სამოქალაქო განათლების
კლუბი ,,გლობალური მოქალაქეები“ USAID-ის სამოქალაქო განათლების პროგრამის მხარდაჭერით
ახორციელებს საგრანტო პროექტს ,,ჩვენი როლი სასკოლო საზოგადოებაში მედიაწიგნიერების უნარების განვითარებაში“.
პროექტის მიზანია:
კრიტიკული და შემოქმედებითი
აზროვნების უნარის განვითარება, აქტიური
სწავლების ხელშეწყობა, სასკოლო საზოგადოებასა
და თემში ცნობიერების ამაღლება მედიაწიგნიერების შესახებ.
მედიაწიგნიერება — უნარი, რომელიც თანამედროვე ცხოვრებაში სწორად ორიენტირებაში
გვეხმარება. მედიაწიგნიერმა ადამიანმა იცის თუ როგორ, სად მოიპოვოს, გაფილტროს, შექმნას
და გასცეს შესაბამისი ინფორმაცია. ასევე აქვს უნარი გადაამოწმოს სანდო წყარო. მედიაწიგნიერება
ადამიანში ანვითარებს კრიტიკულ და შემოქმედებით აზროვნებას.
კლუბის წევრებმა 7
თებერვალს ინტერნეტ უსაფრთხოების დღეს მიუძღვნეს პროექტის პირველი აქტივობა. დიანა
ქასრაშვილმა და ნიკა დევიძემ წარმოადგინეს საპრეზენტაციო მასალა მედიაწიგნიერების შესახებ.
თამთა მემანიშვილმა ისაუბრა ყალბი(Fake news) ამბებისა და სიძულვილის ენის შესახებ. კიბერ
ბულინგსა და ინტერნეტ უსაფრთხოებაზე კი ნინო ქაშაკაშვილმა მოგვაწოდა ინფორმაცია. პრეზენტატორებმა მსმენელებს შესთავაზეს მრვალფეროვანი აქტივობები, კერძოდ, Kahoot - თამაში, დასვეს
სადისკუსიო შეკითხვები, მოსწავლეები კი თამამად
გამოთქვამდნენ თავიანთ მოსაზრებებს. აჩვენეს ფილმი მედიაწიგნიერების რაობის შესახებ.
ინტერნეტ უსაფრთხოების დღისათვის დაამზადეს საინფორმაციო
პოსტერი.
მადლობა პრეზენტატორებს და კლუბის წევრებს პროექტის წარმატებით განხორცილებაში
აქტიური მონაწილეობისათვის.
კლუბის ხელმძღვანელი ელისო კუპატაძე
Comments
Post a Comment